ЕУ планира да ги вакцинира сите европски граѓани до крајот на годинава

Европската Унија би требало да ги вакцинира сите европски граѓани „до крајот на годината“, рече во четвртокот во Рим комесарот за внатрешен пазар, Тиери Бретон, одговорен за индустриското производство на вакцината.

Фото: ЕПА

„Состојбата со вакцините е добра. Предизвикот е огромен, сепак, ние брзо реагиравме“, рече Бретон на заедничката прес-конференција со италијанскиот министер за економски развој Џанкарло Џорети.

„Цврсто верувам дека Европа е кадарна побрзо да ги доставува вакцините и мислам дека до крајот на годинава ќе можеме да ги вакцинираме сите европски граѓани“, посочи тој.

„До крајот на годината, Европа ќе може да произведува две до три милијарди дози вакцини годишно“, рече тој. „Европа е прв континент по производството на вакцина, а потоа следат САД со две милијарди (…). Со ЕУ и Соединетите Држави, можеме да сметаме на пет милијарди дози годишно за целиот свет“, заклучи тој.

Италијанскиот премиер Марио Драги во средата вечерта ја замоли претседателката на Европската комисија Урсула Фон дер Лајен да ги „забрза“ европските активности за пандемијата „што се однесува на вакцините“.

Доцнењата во испораката на вакцини против ковид-19, чија набавка на европско ниво е организирана од Европската комисија, се предмет на критика во многу земји-членки.

Легенда под Главна слика

Фото: ЕПА

Ако не се претвориме во систем на вакцинални касти („Тргни ги твоите Астразенека-шепи од мојот Фајзер-дедо“), може да застраниме кон вакцинални пасоши со сомнителна валидност („Врвката на оваа пропусница не е во нијанса одобрена од СЗО!“).

повеќе

Освен неколку изолирани обиди, повеќето луѓе не реагираат кај институциите и не бараат одговорност. 

повеќе

Отворено писмо до претседателот Пендаровски и  академска фела во Македонија.

повеќе