За заштита на жените од насилство

ЕУ ја повика Турција да ја преиспита одлуката за повлекување од Истанбулската конвенција

Претседателката на Европската комисија Урсула фон дер Лајен ги повика денес сите потписнички на Истанбулската конвенција за заштита на жените од насилство, да ја ратификуваат.

EPA-EFE

„Насилството врз жените е неприфатливо. Жените заслужуваат силна правна рамка која ќе ги заштити“, објави Фон дер Лајен на Твитер изразувајќи поддршка на конвенцијата.

Високиот претставник на ЕУ за надворешна политика и безбедност Жосеп Борел изрази жалење поради вчерашната одлука на Турција да се повлече од конвенцијата и ја повика да ја смени одлуката.

„Се надеваме дека Турција наскоро повторно ќе ѝ се придружи на ЕУ во одбраната на правата на жените и девојчињата, што е основен елемент на човековите права, мирот, безбедноста и еднаквоста во 21 век“, наведе Борел во соопштение.

Борел оцени дека сега е времето да се засилат глобалните напори во борбата против насилството врз жените и девојчињата, а дека не е време за повлекување.

„Тоа денес е поважно од кога било, бидејќи насилството врз жените и девојките значително е зголемено низ светот како резултат на пандемијата на ковид-19 и многуте конфликти, во кои жените се првенствено жртви“, кажа Борел.

Истанбулската конвенција е првиот меѓународно обврзувачки инструмент за борба против насилството врз жените и насилството во семејството, чија цел е да обезбеди основна правна заштита на жените и девојките низ светот.

Легенда под Главна слика

EPA-EFE

Време е да се фокусираме врз суштинските проблеми. Време е да создадеме вистински ’општествен договор‘ за владеење на правото и на човековите права како главни столбови на европските вредности

повеќе

Стратешко партнерство на македонската влада со Зока енерџи солушнс, компанија регистрирана за обработка и отстранување на опасен отпад, не е правилен начин за решавање на проблемот во мала држава како Македонија.

повеќе

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе