За да спречи каква било нестабилност по руската инвазија

ЕУ ги дуплира своите сили во БиХ по нападот на Русите врз Украина

Европската Унија одлучи денес речиси да го удвои бројот на своите мировни сили во Босна и Херцеговина со испраќање 500 резервни војници како мерка на претпазливост за да спречи каква било нестабилност по руската инвазија на Украина.

EPA-EFE

Босна и Херцеговина се наоѓа стотици километри од борбите, но се соочува со сè посилно сепаратистичко движење на босанските Србија за која аналитичарите велат дека има барем премолчена поддршка од Москва.

„Влошувањето на безбедносната ситуација на меѓународен план има потенцијал да ја прошири нестабилноста на Босна и Херцеговина“, соопштија силите на Европската Унија Еуфор.

„Тоа е превентивна и пропорционална мерка која ја одразува недосмислената посветеност на ЕУ и посветеноста на Еуфор на територијалниот интегритет и суверенитетот на Босна“, се додава.

Едниот босански ентитет, Федерацијата БиХ, веќе долго време соопштува дека сака во НАТО, за разлика од Република Српска, што исто така ја разгневува Русија.

Москва во март минатата година кажа дека ќе реагира ако БиХ преземе чекори за приближување кон воениот пакт предводен од САД.

Босанските Срби, предводени од Милорад Додик, истовремено кажуваат дека сакаат земјата да остане воено неутрална и надвор од НАТО.

Додик, кој е српски член на тричленото Претседателство на БиХ, кажа вчера дека БиХ не би требало да заземаат страна во руско-украинскиот конфликт и дека Србите никогаш нема да се согласат БиХ да се придружи на санкции против Русија.

Еуфор, кој ги замени мировните трупи на НАТО во Босна од 2004 година, има 3.500 илјади припадници, од кои 600 се во моментов распоредени во земјата.

Околу 500 припадници од Австрија, Бугарија, Романија и Словачка, од кои сите се резервисти на Еуфор кои се во моментов стационирани надвор од Босна, ќе бидат распоредени таму во следните две недели, соопшти Еуфор.

БиХ минува низ својата најлоша политичка криза од крајот на балканските војни во 1990-тите, со блокада на државните институции од страна на босанските Срби поради наметнатиот закон против негирањето на геноцидот.

Легенда под Главна слика

EPA-EFE

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе