Еруптираше голем вулкан во Конго, лавата ги голта куќите (ВИДЕО)

Еден од најактивните вулкани во светот, Нирагонго во Демократска Република Конго, еруптираше синоќа, поради што владата ги активираше плановите за евакуација на градот Гома, а лавата од вулканот стигна и до аеродромот на тој град, јавија властите.

EPA-EFE

Ерупцијата на вулканот го зацрвени небото над градот Гома на истокот на Конго, чии жители се сеќаваат на последната ерупција на Нирагонго во 2002, која уби 250 луѓе, а 120 илјади остави како бездомници.

Во поголемиот дел од градот нема струја, телефонските линии се во прекин, а илјадници луѓе се евакуирани. Некои избегале кон исток, кон границата со Руанда, додека други бегаат на запад.

Премиерот на Конго Жан Мишел Сама Луконде свика итна седница на владата во главниот град Киншаса за одлучување за итните мерки и евакуацијата од Гома, зоопшти портпаролот на владата на Твитер.

Дарио Тедеско, вулканолог од Гома, кажа дека во Нирагонго се отвораат нови пукнатини, дозволувајќи ѝ на лавата да тече кон југ, кон Гома, откако на почетокот течеше само кон исток.

„Сега метата е Гома“, кажа Тедеско за Ројтерс. „Слично е како во 2002, мислам дека лавата оди кон центарот на градот. Би можела да сопре пред градот или да продолжи. Тешко е да се предвиди“.

Набљудувачите на вулканот беа загрижени дека вулканската активност забележана во последните пет години на Нирагонго ја одразува онаа која претходела на ерупциите во 1977 и 2002.

„Се чувствува мирис на сулфур. Во далечината може да се види џиновски пламен како излегува од планината“, кажа Карина Мбала за Франс прес.

Службеник на националниот парк Вирунга, во кој се наоѓа вулканот, го предупредил персоналот дека ерупцијата е слична на таа од 2002 и дека сите од аеродромот треба „да се евакуираат без одложување“.

Нирагонго е еден од најактивните вулкани во светот, а претходно се појавија информации дека Опсерваторијата на вулканот Гома не ја набљудувала правилно неговата активност откако Светската банка го укинала финансирањето поради обвинувања за корупција.

Во извештајот од 10 мај, опсерваторијата предупредила дека сеизмичките активности на вулканот се засилиле.

Минатата година директорот на опсерваторијата Катчо Каруме кажал за Би-би-си дека езерото на вулканска лава брзо се полни, зголемувајќи ги шансите за ерупција во следните неколку години. Предупреди и дека земјотрес би можел порано да предизвика катастрофа.

Најсмртоносната ерупција на вулканот се случила во 1977 година, кога умреле над 600 луѓе.

Легенда под Главна слика

EPA-EFE

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе