Ерменците тврдат дека турски ловец им соборил борбен авион, Баку и Анкара негираат (ВИДЕО)

Ерменското министерство за одбрана соопшти дека турски ловец Ф-16 соборил авион Су-25 на ерменското воено воздухопловство, соопшти ерменското министерство за одбрана.

EPA-EFE

Во соопштението се наведува дека инцидентот се случил во воздушниот простор на Ерменија, а дека пилотот на „сухојот“ загнал“, пренесува РИА Новости.

Според информациите на ерменското министерство, турскиот ловец полетал од градот Ѓанџа со цел одбрана на азербејџанската авијација и дроновите кои гаѓале населени места во Ерменија.

Ерменското министерство соопшти дека турскиот авион навлегол во воздушниот простор на Ерменија околу 60 километри од границата со Азербејџан, на висина од 8.200 метри.

Портпаролот на кабинетот на турскиот претседател Фахретин Алтун ја демантираше информацијата дека турски ловец Ф-16 го соборил ерменскиот авион во воздушниот простор на Ерменија, пренесува Ројтерс.

Алтун истакна дека тврдењата на ерменските власти се „целосна невистина“.

„Ерменија треба да се повлече од територијата која ја окупира, наместо да се служи со евтини пропагандни трикови“, кажа Алтун.

И министерот за одбрана на Азербејџан ги негираше тврдењата на Ереван дека турски ловец соборил ерменски воен авион и дека пилотот загинал.

На социјалните мрежи се појави непотврдена снимка од наводното уривање:

Легенда под Главна слика

EPA-EFE

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе