Ердоган: Во Сирија од Турција ќе се вратат милион сириски бегалци

Турскиот претседател Реџеп Таип Ердоган синоќа кажа дека верува дека бројот на Сиријците што се враќаат од Турција во својата матична земја ќе достигне милион кога ќе се воспостави безбедносната зона во североисточна Сирија, на границата со Турција.

Во Турција живеат речиси 4 милиони Сиријци, што е најголемиот број протерани Сиријци во некоја земја за време на осумгодишната граѓанска војна. тензиите меѓу Турција и Сирија во последно време растат.

Турција е во преговори со Соединетите Американски Држави околу формирање безбедносна зона вдолж границата на североистокот на Сирија, каде САД ја поддржуваат курдската милиција ИПГ која Анката ја смета за терористичка организација.

Анкара бара курдските сили да се повлечат од таа област за да се обезбеди границата, додека Вашингтон бара гаранција дека нема да бидат оштетени нивните сојузници, предводени од Курдите, во борбата против Исламска држава во Сирија.

Турција и САД соработуваат и околу спроведувањето на договорот за сирискиот град Манбиџ за кој турски воени извори за Ројтерс изјавија дека напредува побавно од очекуваното.

Ердоган, обраќајќи им се на пратениците на својата Партија на правдата и развојот (АКП) во Анкара кажа: „Се трудиме колку можеме да ја прошириме безбедносната зона вдолж границата во нашата земја за сириските бегалци да можат да се вратат дома“.

„Во моментов се вратија 330.000 луѓе, но верувам дека таа бројка, кога ќе се решат проблемите во Манбиџ и во источен Еуфрат, набрзо ќе се зголеми на милион“, истакна турскиот претседател.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе