Ердоган: Турција нема капацитет да прифати нов бран емигранти

Турција нема капацитет за прифаќање нов можен бран емигранти од Авганистан, изјави претседателот на таа земја Реџеп Таип Ердоган.

EPA-EFE

Тој во телефонски разговор со германскиот колега Франк Валтер Штајнмаер кажа дека Германија и другите земји од Европската Унија би требало да им помогнат на соседите на Авганистан бидејќи „го носат бремето на авганистанската миграција“.

Турција во моментов е земја со најмногу прифатени емигранти, вклучувајќи 3,7 милиони Сиријци. Властите на таа земја се загрижени поради нов можен прилив на емигранти кои бегаат од талибанците во Авганистан.

Во Турција расте нетрпеливоста на граѓаните против емигрантите бидејќи државата е во тешка економска ситуација, влошена од пандемијата на коронавирусот, вклучувајќи и висока стапка на невработеност.

„Претседателот Ердоган подвлече дека Турција нема капацитет да го поднесе товарот на нова миграција“, се наведува во соопштението на неговиот кабинет.

Ердоган додаде дека никој не сака да се случи повторно сценарио слично на тоа од 2015 година, кога повеќе стотици илјади бегалци преку Турција бегаа од војната во Сирија кон западните земји.

ЕУ и Турција во 2016 потпишаа договор според кој Турција е должна да ги задржи емигрантите и да ги спречи да тргнат кон Европа, а за возврат турските граѓани добија можност за безвизни патувања и значителна финансиска поддршка од ЕУ.

Легенда под Главна слика

EPA-EFE

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе

Неделава во Тирана за првпат 31 прехранбена и 6  дистрибутивни компании од регионов заеднички ќе настапат на саемот во организација на Коморскиот инвестициски форум кој го предводиме ние.

повеќе