Ердоган смета дека е време за предлогот за две држави на Кипар

Турскиот претседател Реџеп Таип Ердоган изјави вчера дека е време да се разговара за реалниот предлог за решението на „две држави“ на поделениот остров Кипар.

EPA-EFE

Тој истакна дека параметрите на актуелните разговори не се одржливи.

Зборувајќи на конференција за медиумите со претседателот на кипарските Турци Ерсин Татар во Анкара, Ердоган кажа дека пристапот на кипарските Грци ги блокирал претходните обиди за наоѓање решение, пренесува Ројтерс.

„Мора да се сфати дека според актуелните параметри не може да се дојде до резултат во преговарачкиот процес кој трае повеќе од половина век“, кажа Ердоган.

„Во оваа фаза веруваме дека почнувањето разговор врз основа на федерација ќе биде губење време. Затоа веруваме дека решението на две држави сега мора да се изнесе со реален предлог“, додаде турскиот претседател.

Претходно месецов Северен Кипар делумно го отвори градот Вароша, оградено одморалиште напуштено на ничија земја по турската инвазија во 1974 година, што го критикуваа Соединетите Американски Држави, Грција и кипарските Грци.

Ердоган, кој најави дека ќе го посети северен Кипар на 15 ноември, кажа дека сака да оди на излет во Вароша.

Легенда под Главна слика

EPA-EFE

При еден спор, понижувањето не е добро ниту за победникот, ниту за поразениот; ниту за „победникот“, ниту за „поразениот“.

повеќе

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе