Ердоган побара „конкретна помош од НАТО“ во Сирија

Турскиот претседател Реџеп Таип Ердоган побара денес од НАТО „конкретна помош“ во конфликтот во Сирија, за време на посетата на Брисел.

„Очекуваме конкретна помош од сите наши сојузници. НАТО е во критичен процес во кој јасно треба да се покаже солидарноста на Алијансата“, кажа Ердоган по средбата со генералниот секретар на НАТО Јенс Столтенберг.

Тој кажа дека Анкара сака Алијансата целосно да ги примени одлуките донесени во 2012 и 2015 за тоа да се поддржат турските воздухопловни сили.

Ердоган го посети и седиштето на Европската Унија по својата одлука да ги отвори турските граници за емигрантите и бегалците кои се наоѓаат на нејзина територија за да ги натера европските земји да ги поддржат турските политички и хуманитарни решенија во Сирија. Во Турција има 3,6 милиони сириски бегалци.

Околу еден милион луѓе од сириската провинција Идлиб на северозападот на земјата избегаа кон турската граница по офанзивата на сириските сили кои воздушно ги помага Русија, ставајќи ја Анкара во незгодна позиција.

Турција во февруари во Идлиб изгуби над 50 војници во нападите на сириските сили.

„Нашите сојузници треба да покажат солидарност со нашата земја без дискриминација и без политички услови“, кажа Ердоган.

Тој кажа и дека е многу важно помошта што ја бара Турција да биде без одложување.

Ердоган ѝ замери на Грција за тоа што ја обвинува Турција дека е виновна за новата емигрантска криза.

„Нерационално е еден сојузник, една соседна земја да ја префрла вината на Турција“, кажа Ердоган.

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе