Ердоган најави дека Турција е спремна за воена операција на сириската граница

„Турција е спремна да дејствува на јужната граница со Сирија“, изјави претседателот Реџеп Таип Ердоган по предупредувањата дека ќе преземе еднострани чекори доколку САД не воспостават „безбедносна зона“ на североистокот на Сирија месецов.

„Завршија нашите подготовки вдолж границата“, им кажа Ердоган на новинарите во Истанбул пред заминувањето на Генералното собрание на Обединетите нации.

Сојузниците во НАТО Турција и САД почнаа заеднички копнени и воздушни патроли по дел од границата, но Анкара тврди дека Вашингтон преспоро ги воспоставува доволно големите безбедносни зони со кои би се одалечиле курдските сили од границата.

Турција ја разгневи американската поддршка на курдските сили во борбата против Исламска држава. Турција ги смета курдските борци за терористи и сака да ги тргне од границата долга 400 километри.

Сириските демократски сили предводени од курдските единици ИПГ кажаа дека ќе се повлечат до 14 километри во некои области.

Анкара тврди дека Вашингтон се сложил „безбедносната зона“ да се прошири на 32 километри во Сирија.

„Немаме желба да се соочиме со САД. Но не можеме да си дозволиме занемарување на поддршката која САД ѝ ја дава на терористичката организација“, кажа Ердоган.

Неговите коментари за подготовките на границата следат еден ден откако два безбедносни извори потврдија дека во јужните турски покраини пристигнале доктори за да се извршат подготовките за можниот упад во Сирија.

„Се подготвуваме веќе подолго време. Операцијата ќе се спроведе кога ќе има потреба за неа“, кажа изворот.

Турската војска веќе двапати упаѓаше во северна Сирија од 2016 година, а мети ѝ беа милитантите на Исламска држава и силите на ИПГ западно од Еуфрат.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе