Ердоган: Европејците „ќе ги вратеа гасните комори ако не беа посрамени“

Турскиот претседател Реџеп Таип Ердоган повторно ја спореди Европа со нацистичка Германија кажувајќи дека „би ги оживеале гасните комори“ доколку не биле засрамени. Тој ја нападна и лично германската канцеларка Ангела Меркел, обвинувајќи ја за „нацистички постапки“, пренесува Раша тудеј.

„Балот под маски“ на Европа е завршен, кажа Ердоган на митинг во Истанбул, во рамки на неговата кампања за поддршка на референдумот за зголемување на неговите овластувања.

Тврдејќи дека „борбата“ против неговата земја достигнала ново ниво, Ердоган им се нафрли на европските нации, особено Германија и Холандија, за нивните „нацистички регулативи“ откривајќи ја „ омразата насобрана низ годините против Турција, турската нација па дури и против сите муслимани преку ТВ екраните и насловите во весниците секој ден“.

„Доколку не беа засрамени, тие ќе ги вратеа гасните комори“, кажа турскиот претседател, а пренесува весникот Хуриет.

Ердоган потоа ѝ се нафрли на германската канцечарка Меркел. „Кога ги викаме нацисти, на нив (европските политичари) им станува непријатно. Тие се поддржуваат во знак на солидарност. Особено Меркел“, кажа Ердоган. „Таа сега ја поддржува Холандија. Кон кого се однесувате како нацисти? Кон моите турски браќа и сестри во Германија“.

Турскиот претседател тврди дека актуелната политика на европските држави се базира врз стран од моќта на Турција. „Тие (европските држави) не ги кријат своите намери и не ја кријат нелагодноста што ја чувствуваат кон Турција, која станува сѐ посилна“, порача Ердоган.

Без оглед дали сте поддржувач или противник на претходната власт, не можете да оспорите дека таа постави сосема нови стандарди во поглед на мерките, напорите и вложувањата за да се привлечат странски инвестиции, за наши услови. 

повеќе

Ако лидерите на двете најмоќни земји во светот – САД и Кина имаат суштински разлики во начинот на кој тие гледаат на меѓународните односи, какви се изгледите за глобално зајакнување на соработката?

повеќе

Најновите случувања на релација политичка власт-граѓански сектор, повторно го отвораат прашањето за односите помеѓу овие два сегмента на општествениот живот.

повеќе