Ердоган е првиот странски лидер што ѕирна во кабината на рускиот стелт ловец Су-57 (ВИДЕО)

Првиот странски лидер кој ѕирна во кабината на најновиот руски ловец сухој Су-57 е турскиот претседател Реџеп Таип Ердоган, јавуваат руските медиуми.

Рускиот претседател Владимир Путин и неговиот турски колега го посетија отворањето на Меѓународниот саем на авијацијата и вселенското истражување МАКС-2019 во московското предградие Жуковски.

Путин ја искористи приликата да му ја покаже на гостинот од Турција кабината на повеќенаменскиот стелт ловец Су-57.

Ердоган е во еднодневна посета на Русија каде со Путин ќе разговара, пред сѐ, за ситуацијата во Сирија.

Тој денес кажа дека неговата земја ќе ја зголеми трговската размена со Русија за 25 милијарди евра на 100 милијарди.

Придружуван од Путин во Москва, Ердоган истакна дека извозот на Турција во областа на одбраната и авијацијата достигнал 2,8 милијарди долари во 2018, и дека технолошката соработка ќе ги продлабочи врските со Русија.

Во претходните месеци, турската набавка на рускиот ракетен систем С-400 предизвика гнев кај официјален Вашингтон, а покрај тоа што Анкара беше суспендирана од програмата за производство на американскиот авион Ф-35, САД се закануваат со дополнителни санкции.

И покрај сите обиди, темата „Закон за јазиците" не „лепи".

повеќе

Дали ние, луѓето, сакаме да продолжиме да живееме добро и безбедно на оваа планета?

повеќе

САД остануваат најмоќната држава во светот, но францускиот претседател Макрон прави сѐ да стане своевиден „пандан“ на претседателот на САД.

повеќе