Ердоган: Дијалог е единственото решение за спорот во Медитеранот

Турскиот претседател Таип Ердоган во четврток изјави дека дијалогот и преговорите се единствен начин за решавање на спорот меѓу Турција и Грција околу истражувањето на енергенти во источен Медитеран, додавајќи дека Анкара не се стреми кон никаква „авантура" во регионот.

Фото: ЕПА

„Начинот за решавање на спорот во источен Медитеран е во дијалог и преговори. Ако дејствуваме здраворазумски, ќе можеме да пронајдеме решение што ги задоволува взаемните интереси. Ние не бараме непотребни авантури или зголемување на тензиите“, рече Ердоган.

Турција и Грција се спорат околу територијалните води богати со енергенси, а тензиите меѓу двете земји се зголемија во понеделникот, откако Турција во спорното подрачје започна со истражување на нафта и гас.

Атина веднаш го осуди овој потег како нелегален и побара поддршка од сојузниците во Европската унија.

Франција веднаш ја повика ЕУ да воведе санкции за Турција, а денес во водите на Крит со грчките сили одржа вежби.

Со заеднички грчко-француски воени вежби францускиот претседател Емануел Макрон за прв пат јасно стави до знаење дека неговата земја сака да го засили своето присуство во источен Медитеран.

Франција претходно соопшти дека „привремено ќе го зајакне“ своето воено присуство во источен Медитеран „за да ја следи ситуацијата во регионот и да ја покаже својата решеност да се почитува меѓународното право“.

Без да именува никој, Ердоган рече дека земја која нема ниту крајбрежје во источен Медитеран ја турка Грција да преземе „погрешни потези“ во регионот.

„Никој не смее да има превисоко мислење за себе. Да биде целосно јасно: не обидувајте се да изведете претстава“, порача Ердоган.

Легенда под Главна слика

Фото: ЕПА

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе

Турската влада има нови барања од социјалните медиуми и дигиталните платформи како што се Фејсбук (Facebook), Ватсап (Whatsapp), Инстаграм (Instagram) и Твитер (Twitter). 

повеќе

Баталете ги овие глупости со Бугарија, а Османи нека си фати патот до Брисел да земе обрасци за членство во ЕЕО и нека ги пополнат брзо.

повеќе