Вакцина

ЕМА заклучи дека Астразенека може да предизвика ретко згрутчување на крвта, но користа е поголема од ризикот

Безбедносната комисија на Европската агенција за лекови (ЕМА) откри дека вакцината на Оксфорд-АстраЗенека против ковид-19 може да предизвика невообичаено згрутчување на крвта со ниски тромбоцити, но нагласи дека севкупните придобивки од вакцината во спречувањето на коронавирусот ги надминуваат ризиците од несакани ефекти, пренесе Си-ен-ен.

Фото: ЕПА

Комисијата рече дека биле пријавени 18 смртни случаи при испитувањето на 62 случаи на ЦВСТ (церебрална венозна синусна тромбоза) и 24 случаи на утробна венска тромбоза (во стомакот) што биле пријавени во базата на податоци на ЕУ за безбедноста на лекот. Случаите потекнувале главно од Европската економска област и Велика Британија, каде што вкупно околу 25 милиони луѓе ја примиле вакцината.

Агенцијата го објави својот заклучок откако Регулаторната агенција за лекови и здравствени производи на Обединетото Кралство одржа прес-конференција за истото прашање, пет дена откако нејзиниот неделен извештај потврди дека најмалку 22 лица доживеале ЦВСТ и најмалку осум случаи на тромбоза со низок број тромбоцити во крвта, што е релативно ретка комбинација.

Одлуката на ЕМА следува и по потегот во Германија, која минатата недела ја суспендираше употребата на вакцината на Астразенека кај лица под 60 години.

Извршниот директор на ЕМА, Емер Кук, на денешната прес-конференција рече дека агенцијата ќе ги додаде тромбозата и нискиот број тромбоцити на својата листа на можни несакани ефекти од вакцината, но додаде дека безбедносната комисија „потврди дека придобивките од вакцината на Астразенека во спречувањето на ковид-19 севкупно ги надминува ризиците од несакани ефекти“ и дека препораките на ЕМА за употреба на вакцината не се менуваат.

Во соопштението на ЕМА се повикуваат здравствените работници и луѓето што ја примаат вакцината „да бидат свесни за можноста за појава на многу ретки случаи на згрутчување на крвта во комбинација со ниско ниво на тромбоцити во рок од 2 недели по вакцинирањето“.

„Досега, повеќето од пријавените случаи беа кај жени под 60 години во рок од 2 недели по вакцинирањето. Врз основа на моментално достапните докази, не се потврдени конкретни фактори на ризик“, се вели во соопштението, а и Кук рече дека кога безбедносната комисија ги разгледувала возраста и полот на луѓето што ги пријавиле овие ретки несакани реакции, не е откриен јасен профил на ризик.

Легенда под Главна слика

Фото: ЕПА

„Сакајќи ја Америка и должејќи ѝ ја првата верност нејзе, ние ќе бидеме безвредни синови и ќерки на Америка ако немаме љубов во нашите срца за почвата што нè хранеше во нашето детство, за јазикот што го зборуваме и што го немаме заборавено...“

повеќе

Овде нема такво нешто. Има некои чинители што се занимаваат со испишување црвени линии. Не им значи ништо фактот што токму под ова гесло е овозможен најдолготрајниот мир на европскиот континент.

повеќе

Србија продолжува да го негира минатото, при што нејзините политички елити ја користат резолуцијата за да ѝ се спротивстават на Црна Гора и истовремено се надеваат дека овој потег ќе им донесе поголема популарност дома.

повеќе