Екстремниот топлински бран во Канада буквално ги сварил школките во морето (ВИДЕО)

Десетици илјади школки, морски ѕвезди и полжави буквално биле сварени за време на рекордните жештини во Канада, пишува Бизнис инсајдер.

EPA-EFE

Крис Харли, морски биолог од универзитетот на Британска Колумбија, намирисал смрдеа на плажата Китсилано во Ванкувер.

За канадски Си-би-си кажал дека бил вџашен од тоа што го затекнал.

Британска Колумбија ја погодија рекордно високи температури, а највисоката температура беше измерена на 29 јуни – изнесуваше 49,6 Целзиусови степени.

Не е јасно кога угинале школките. Харли кажал дека повеќето настрадани видови можат да поднесат температури до 30 Целзиусови степени.

Угинувањето на овие животни привремено ќе влијае врз квалитетот на водата во таа област. Имено, некои школки го филтрираат морето, кажал Харли.

Исто така, тој вели дека повеќе од милијарда мали крајбрежни животни што живеат крај погодениот брег на Салишко Море, море на работ на Тихи Океан, можеле да умрат.

Температурите во Канада биле толку екстремни што шумските пожари создале пирокумулунимбуси, облаци што можат да генерираат торнада и молњи и да предизвикуваат пожари.

Ова не е првпат топлински бран да предизвика ваква ситуација. Во Бодега Хед, залив на калифорнискиот брег, топлински бран во 2019 го предизвика најголемиот помор на школки во историјата.

Легенда под Главна слика

EPA-EFE

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе

Капиталното дело на Танас Вражиновски „Македонска народна митологија“, упатува на потребата нашата наука постојано да се враќа на извориштата на македонската култура и писменост, создавани од светите браќа Кирил и Методиј и од нивните ученици и следбеници, светите Климент и Наум Охридски. 

повеќе