Експлозија во словенечка фабрика, 10 повредени, властите: „Жителите да не ги напуштаат домовите“ (ВИДЕО)

Најмалку 10 лица се повредени во денешната експлозија во хемиска фабрика во Кочевје, Словенија, а властите ги повикаа локалните жители во близина на објектот да не ги напуштаат становите.

Фото: ЕПА

Експлозијата во хемиската фабрика Меламин била пријавена околу 8.30 часот. Засега не е познато што ја предизвикало.

Кочевје, град на околу 55 километри југоисточно од Љубљана, има околу 8.000 жители.

„Ги советуваме жителите во околината да ги затвораат прозорците и да не излегуваат надвор за време на интервенцијата. Исто така, не треба да се приближуваат до местото на несреќата“, соопшти локалната полиција, пренесе регионалната телевизија Н1.

Се наведува дека е свикан итен состанок на локалниот совет за вонредни прашања, а пожарникарите и другите служби за итни случаи веднаш се упатиле кон фабриката Меламин. Фабриката има околу 200 вработени.

Легенда под Главна слика

Фото: ЕПА

Работите во Македонија забегаа до тој степен што за нив мора да се пишува отворено, „револуционерно“.

повеќе

Минатата недела во јавноста се актуелизираше дискусијата за концептот на даночната реформа.

повеќе

Војната во Украина ја разоткри вистината за Русија, но и вистината за Европа. 

повеќе