Експлозија во најголемиот склад со муниција во Украина, евакуирани 20 илјади луѓе (ВИДЕО)

Во Украина експлодираше голем магацин за муниција, јавуваат руските медиуми. Станува збор за најголемиот магацин за муниција во Украина, кој се наоѓа во регионот Харков на истокот на земјата.

Засега сѐ уште не е познато дали во експлозијата има загинати или повредени. Медиумите јавуваат дека се евакуирани околу 20.000 луѓе, а главниот украински воен обвините Анатолиј Матиос изјави дека, според првичните информации, експлозијата била предизвикана од саботажа.

Снимките од Украина покажуваат голем сообраќаен застој предизвикан од масовната евакуација од градот Балаклеја, каде што се наоѓа магацинот. Евакуирани се поголемиот дел жители на тој град, кој се наоѓа на 100 километри од линијата на разграничување меѓу украинската војска и проруските сепаратисти.

„Првиот бран од евакуацијата заврши, повеќето жители беа евакуирани со автобуси, кои сега се враќаат во градот за да ги извлечат останатите. Безбедносните сили ги проверуваат куќите за да се уверат дека сите се заминати“, изјави неименуван локален службеник за РИА Новости.

Околу магацинот кој сѐ уште гори е поставен безбедносен периметар од седум километри. Во магацинот имало околу 140.000 парчиња разна муниција, од обични куршуми до тенковски и топовски гранати, па сѐ до ракети.

Би-би-си пишува дека во декември 2015 имало неуспешен обид за палење на магацинот. Оружјето во складот било наменето за украинските трупи и паравоени формации кои на истокот на земјата се борат против проруските сепаратисти.

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе

Капиталното дело на Танас Вражиновски „Македонска народна митологија“, упатува на потребата нашата наука постојано да се враќа на извориштата на македонската култура и писменост, создавани од светите браќа Кирил и Методиј и од нивните ученици и следбеници, светите Климент и Наум Охридски. 

повеќе