Експертите на СЗО пристигнаа во Вухан за да го испитаат потеклото на пандемијата

Меѓународен тим експерти задолжен за истражување на потеклото на коронавирусот пристигна во Вухан во централна Кина, потврдија официјални лица во четвртокот.

По пристигнувањето, експертите се тестирани на коронавирус и мора да бидат во карантин две недели.

Експертите ќе соработуваат со кинески научници за да испитаат дали може да се следи вирусот до неговото потекло.

Новиот коронавирус што ја предизвикува болеста ковид-19, првпат беше откриен пред повеќе од година дена во централната кинеска метропола.

Потрагата по потеклото на вирусот е политички чувствителна - Кина стравува дека ќе биде идентификувана како виновник за пандемијата на коронавирусот, истакнува агенцијата Дпа.

Кинеските власти со месеци се сомневаат дали вирусот воопшто потекнува од Кина.

Тие посочуваат на непотврдени извештаи дека првите случаи на зараза се можни и во други земји.

Тие исто така велат дека трагите на вирусот на увезени замрзнати производи се доказ дека вирусот можел да дојде од странство.

Од друга страна, експертите се сомневаат дека лилјаците од јужна Кина се оригинални носители на болеста.

Кинеските здравствени власти во четвртокот ја потврдија првата смрт од ковид-19 во последните осум месеци. Исто така, се појавија нови 138 случаи на зараза, што е најголем дневен број од март досега.

Смртниот случај е забележан во провинцијата Хебеј, каде неодамна неколку градови се ставени во карантин по појавата на нови инфекции.

Последниот смртен случај поврзана со коронавирусот во Кина е пријавен во мај 2020 година.

Официјалната статистика вели дека досега во Кина починале 4.635 лица како последица на инфекција со коронавирус.

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе