Најкритичен извештај откако Анкара ги почна преговорите

ЕК: Придружувањето на Турција сопре, владата на Ердоган е одговорна за ерозија на демократијата и владеењето на правото

Европската комисија порача дека процесот на придружување на Турција сопрел поради сериозни демократски недостатоци, во својот најкритичен годишен извештај откако Анкара ги почна преговорите за членство пред 16 години.

EPA-EFE

Европската комисија го усвои вчера Пакетот за проширување за 2021 година кој ги вклучува годишните извештаи за напредокот и спроведувањето на суштинските реформи на Западниот Балкан и во Турција.

Комисијата соопшти дека владата на претседателот Реџеп Таип Ердоган е одговорна за ерозија на демократијата и владеењето на правото и дека ги занемарила препораките на ЕУ од минатата година.

„Во моменталните околности, преговорите за пристапување на Турција ефективно сопреа“, се наведува во соопштението.

Извештајот исто така прв пат сугерира дека Анкара повеќе не е сериозна во поглед на спроведувањето на реформите кои ги поддржува ЕУ, иако Ердоган во април повторно ја прифати целта на целосно членство во ЕУ, бидејќи двете страни се обидоа да ги подобрат заострените односи.

ЕК наведува дека постои сериозна загриженост во ЕУ во врска со постојаното влошување на демократијата, владеењето на правото, основните права и независноста на правосудството која не е решена, како и дека земјата постојано назадува во многу области.

Во својот извештај за 2021 Европската комисија ја доведе во прашање способноста на Турција да ги преземе обврските на членството и наведе дека Анкара ги продолжила реформите во областите од економијата до владеењето на правото на прилично „ад хок“ основа.

Анкара засега не реагираше на извештајот, а Турција во минатото порачуваше дека критиките на ЕУ за нејзините резултати се неправедни и несразмерни.

Легенда под Главна слика

EPA-EFE

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе