Еди Рама во пресметка со медиумите: „Нанесуваат штета како педофилијата и тероризмот“

Албанскиот премиер Еди Рама кажа дека онлајн медиумите можат „да нанесат штета на ист начин како и нацистичката пропаганда, педофилијата и тероризмот“. Критичарите тврдат дека тој го промовира овој став за да ги оправда своите обиди да ги ограничи медиумските слободи, пренесува Дојче веле.

EPA-EFE

Рама ова мислење го изнесе за време на осмата конференција за медиуми на ОБСЕ во југоисточна Европа „Новинарството во време на криза“ која неодамна беше одржана во албанската престолнина Тирана.

„Кога ќе се обидете да замислите што нацистичката пропагандна машинерија би му направила на светот со оваа слобода на говорот, тоа е шокантно“, кажа Рама.

„Или дури и не се обидувајте тоа воопшто да го замислите, обидете се да ја процените штетата која во секојдневниот живот на настаните од изворите на злото во овој свет – тероризмот, фундаментализмот, педофилијата, болестите на модерното општество – кои низ слободата на ширењето можат да влијаат врз многу луѓе, групите на кои им е потребна помош и слабите делови на нашето општество“.

Ѓерг Еребара, новинар кој работи за Балканската истражувачка мрежа БИРН Албанија, смета дека Рама го користи овој став како изговор за одбрана на контроверзниот пакет против клевета воведен во 2018 година, за кои многумина сметаат дека е „војна против онлајн медиумите“, пренесува германската агенција.

„Изјавата на Рама беше изнуден и не баш уверлив обид да се повтори дека тој самиот силно верува дека слободата е претерана и дека има намера да се позабави со злоупотребата на слободата на изразувањето, но дека сите погрешно го разбираме и го гледаме како амбициозен диктатор, кога всушност има добри намери, како заштита од нацизмот или заштита на децата од педофилијата“, кажа Еребара.

Тој истакна дека законите и иницијативите со кои се обидуваат да ги цензурираат медиумите не се единствениот проблем.

„Рама во текот на својата политичка кариера демонстрираше желба да ги контролира сите видови медиуми. Новинарите го знаат тоа и се сведоци на фактот дека неговиот модел за медиумите е корупцијата, со пристап до јавното одлучување, и е главниот фактор за континуираната деградација на медиумите во Албанија во последните 15 години“, додаде тој.

 

Легенда под Главна слика

EPA-EFE

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе