Тимот на агенцијата Асошиејтед прес забележал силен блесок од експлозии што го осветлиле небото западно од градот нешто по полноќ по локално време.
Очевидци изброиле најмалку осум експлозии проследени со далечна експлозија. Подоцна јасно се почувствувала миризба на нешто што гори.
Во градот е во сила полициски час од 23 до 6 часот наутро.
Претседателот на регионалната воена управа на Лавов, Максим Козицкиј, изјави дека Русите ја гаѓаат воената инфраструктура во областа Јаворив. Градот Јаворив се наоѓа на околу 15 километри од полската граница.
„Во текот на ноќта агресорите испукаа ракета врз инфраструктурен објект на регионалниот железнички разгранок во областа Јаворив. Експлозијата ја оштети инфраструктурата на железницата. Нема информации за загинати или ранети“, рече тој.
Градоначалникот на Лавов, Андриј Садовји, преку објава на Фејсбук рече дека нема потврдени информации дека ракетите го погодиле градот.
„За тоа им благодариме на оние што го штитат нашето небо. Наутро ќе имаме попрецизни информации. Грижете се за себе и не ги игнорирајте звуците на тревога“, напиша тој.
The Russian Army is striking Lviv tonight with missiles.
— Visegrád 24 (@visegrad24) May 16, 2022
The city is right on the border with Poland and the home of more than 100 000 internally displaced refugees.
Intensified strikes against Lviv could make them leave for the EU. pic.twitter.com/th3T2lbqbu
Up to 15 Russian cruise missiles have reportedly been fired at Lviv tonight. pic.twitter.com/EerPAxKeZc
— Visegrád 24 (@visegrad24) May 16, 2022
Садовји уште еднаш ги повика жителите да не ги снимаат „ракетните летови“ или системите за воздушна одбрана во функција. Според него, таквите видеа ѝ се потребни на „московската агенција“, а Украинците треба да му помогнат на фронтот.
Синоќа беше објавено дека Русите повторно испукале проектили врз воен објект во областа Јаворив, речиси на границата со Полска.
