Џонсон ѝ се извини на кралицата поради забавата во резиденцијата воочи погребот на принцот Филип

Канцеларијата на британскиот премиер Борис Џонсон денеска ѝ се извини на кралицата Елизабета, откако се дозна дека вработените во резиденцијата на премиерот на Даунинг стрит се забавувале до доцна во ноќта пред погребот на принцот Филип, во време кога биле забранети собири во затворени простории.

Фото: ЕПА

Џонсон се соочува со најтешката криза во својот мандат по речиси секојдневните откритија за низа собири за време на карантинот поради пандемијата на ковид-19, поради кој обичните граѓани не можеле да се збогуваат со роднини кои биле на умирање.

Откако изгради политичка кариера со презир кон прифатените норми, Џонсон сега се наоѓа под се поголем притисок од пратениците од неговата Конзервативна партија. На критичарот му велат дека не е способен да владее и дека го измамил парламентот негирајќи дека се прекршувале епидемиолошките мерки.

Во необичниот расплет на долгата приказна што беше нашироко исмејувана од комичари и карикатуристи, Дејли Телеграф напиша дека забави се одржани во Даунинг Стрит на 16 април 2021 година, ден пред погребот на принцот Филип.

„Многу е жално што ова се случи во време на национална жалост и Даунинг стрит ѝ се извини на палатата“, изјави портпаролот на Џонсон пред новинарите. Џонсон тој ден беше во резиденцијата Чекерс и не беше поканет на никакви собири, додаде портпаролот.

Дејли Телеграф пишува дека пијанката во Даунинг стрит била толку раскалашена што вработените отишле во блиската продавница да купат големи количества алкохол, истуриле вино на теписите, а била скршена и лулашката што ја користел малиот син на премиерот.

Следниот ден, кралицата Елизабета се прости од принцот Филип, својот сопруг со кој била во брак 73 години, кој почина на 99-годишна возраст.

Облечена во црно и со бел пораб на црната маска, 95-годишната Елизабета предизвика сожалување седејќи сама, строго придржувајќи се до епидемиолошките мерки за време на погребната церемонија за принцот Филип во замокот Виндзор.

Легенда под Главна слика

Фото: ЕПА

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе