Според првичните податоци

Џонсон: Британскиот сој на вирусот е можеби посмртоносен за 30 отсто

Британскиот сој на коронавирусот кој е позаразен е најверојатно поврзан и со повисока стапка на смртност, кажа денес премиерот на Британија Борис Џонсон.

EPA-EFE

„Сега исто така изгледа дека има докази дека новиот сој, кој за првпат беше идентификуван во Лондон и на југоистокот на Англија, може да е поврзан со повисоко ниво на смртност, до 30 отсто“, кажа Џонсон на конференција за новинарите во Даунинг стрит.

За мажите стари околу 60 години, ризикот на смртноста е 10 на 1.000 со коронавирусот, а тоа се качува на 13 до 14 на 1.000 заразени со новиот сој на коронавирусот, кажа научниот советник на британската влада Патрик Валенс.

Според тоа, изгледа дека новиот сој е околу 30 отсто посмртоносен, но научниците истакнуваат дека испитувањата се сè уште во прелиминарна фаза.

Валенс кажа дека сака да истакне дека постои голема мера на неизвесност околу тие бројки, и дека мора да се работи уште на тоа да се прецизираат, но дека е нормално загрижувачко ако таа варијанта покрај тоа што е позаразна е и посмртоносна.

Влијанието на овој нов сој во голема мера доведе до тоа националната здравствена служба да е под толкав притисок, кажа Џонсон.

Студиите веќе покажаа дека тој сој може полесно да се шири од другите верзии на вирусот.

Британскиот сој на вирусот и понатаму се шири по светот, и сега е регистриран во најмалку 60 земји и територии.

Британија воведе карантин по трет пат во обид да го сузбие третиот бран на заразата, кој му се препишува на овој прилично позаразен сој.

Почната е масовна кампања на вакцинација, и 5,4 милиони луѓе ја добиле првата доза од вакцината, од кои 400.000 се вакцинирани во последните 24 часа, што е рекорд.

Болниците, меѓутоа, и понатаму се под голем притисок. Поради тоа владата го повтори советот до Британците што е можно повеќе да останат дома.

Легенда под Главна слика

EPA-EFE

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе

На три месеци пред избори, Владата носи закони и уредби со катастрофални последици по граѓаните, што е просто неверојатно.

повеќе