Двете Кореи отворија заедничка канцеларија за врски покрај границата

Северна и Јужна Кореја отворија канцеларија за врски покрај нивните граници, објавија локалните медиуми, чекор за кој Сеул се надева дека ќе придонесе кон постојана комуникација меѓу ривалските земји.

Канцеларијата е отворена во севернокорејскиот пограничен град Каесонг, а на отворањето присуствуваа околу педесетина луѓе од секоја земја, пренесе јужнокорејската новинска агенција Јонхап.

„Денес е отворено ново поглавје во историјата“, рече министерот за обединување на Јужна Кореја Чо Мјонг Гион на церемонијата, нарекувајќи ја канцеларијата „уште еден симбол на мирот заеднички создаден од Југот и Северот“, пренесе АФП.

До дваесет претставници од двете страни ќе работат во канцеларијата, чија цел е и да ги поттикнува цивилните контакти.

Отворањето на канцеларијата се одржува неколку дена воочи третиот состанок годинава помеѓу претседателот на Јужна Кореја Мун Jae Ин и севернокорејскиот лидер Ким Џонг Ун, кој треба да започне во вторник.

Канцеларијата е дел од договорот постигнат помеѓу двајцата лидери на состанокот во април.

Првично се очекуваше канцеларијата за врски да се отвори минатиот месец, но според извештаите на јужнокорејските медиуми, денот на отворањето е поместен поради загриженоста на Вашингтон дека воспоставувањето врска меѓу Пјонгјанг и Сеул се одвива побрзо од преговорите за денуклеаризација.

(Текстот е одговор на колумната „Сите нации се модерни конструкти" од д-р Љубица Спасковска објавена на МКД.мк, 1 август)

повеќе

На мојот пријател, овчарот Митко му реков: „Дојде време ти, јас, сите граѓани на Македонија да си го вратиме суверенитетот на оваа наша држава".

повеќе

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе