Пад и стареење на популацијата

Драматично предупредување на ООН: Југоисточна Европа има проблем

Драматични падови на популацијата во Југоисточна Европа затоа што младите луѓе се иселуваат во странство, што е закана за можноста на земјите од регионот да ги одржуваат главните социјални услуги, предупредија Обединетите нации во понеделникот.

Според најновата процена на ООН, девет од 10 земји во кои најбрзо паѓа бројот на жителите се наоѓаат во Источна и Југоисточна Европа, изјави за Ројтерс Алана Армитаж, директорка на Популацискиот фонд на ООН за Источна Европа и Централна Азија.

ООН проценува дека до 2050 година Бугарија ќе изгуби четвртина од сегашното население и дека сите околни земји ќе губат население во наредните години затоа што повеќе луѓе се иселуваат отколку што се вселуваат, а и поради ниските стапки на наталитет.

„Поради помалиот број деца и поголемата емиграција, населението во Југоисточна Европа се намалува и старее, а за разлика од Западна Европа, нема тенденција на имиграција за да се пополни празнината“, рече Армитаж.

Во повеќето земји од Југоисточна Европа, помеѓу 1995 и 2035 година процентот на луѓето над 65 години во популацијата ќе биде двојно поголем, а во некои дури три пати поголем, проценува ООН.

Помалото работоспособно население го поставува прашањето за одржливоста на сегашниот систем на социјално осигурување, главно на пензискиот систем, рече Армитаж.

Повеќето земји веќе страдаат од сериозен недостиг од работна сила, што го попречува економскиот раст и ги уништува надежите за приближување кон Западна Европа.

Проблемот доведува до слаби плати, образование и обука, како и политичка неизвесност во сè уште главно државните економии, поради што младите луѓе сакаат да најдат подобро платена и поисполнувачка работа во странство.

Армитаж рече дека во сегашни услови може да биде тешко да се спречи емиграцијата и ниските стапки на наталитет.

„Како и да е, надежен начин за решавање на овие трендови... е да се идентификуваат стратегиите што водат кон зајакнување на човечкиот капитал и со тоа тековните предизвици да се претворат во можности“, рече таа.

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе