Додик: Невозможно е само Србите да биле виновни

Претседавачот на Претседателството на Босна и Херцеговина Милорад Додик изјави дека не верува во исправноста на Хашкиот суд бидејќи смета дека не обезбедил основа за помирување.

Додик кажа дека во Република Српска немаат доверба во Хашкиот суд, кој утре треба да му ја изрече конечната пресуда на нејзиниот поранешен претседател Радован Караџиќ, но дека сепак верува „дека е можно да победи некаква правда“.

„Дали Караџиќ донел некаква одлука некаде да се нападнат цивили? Не“, кажа Додик гостувајќи на српската телевизија Пинк, додавајќи дека обвинението за командна одговорност изгледа важи само за Србите.

Тој наведе дека „недовербата во Хашкиот суд“ во Република Српска е само засилена со тоа што има гласини дека исчезнале, односно биле отстранети некои докази.

„Лично не верувам во исправноста на тој суд, не ја исполни својата мисија со своите одлуки да обезбеди основа за помирување“, кажа Додик.

Според него, невозможно е само едната страна да е виновна.

„Обвинето е и политичкото и военото раководство на Република Српска, а воениот командант на Сребреница Насер Ориќ, за чии ѕверства се снимани филмови, е ослободен“, кажа Додик.

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе

Охрид, најголемиот и најпосетен туристички центар во Македонија, балканскиот Ерусалим и европскиот бисер, се менува со брзина на светлината.

повеќе