Еден од позначајните партнери на БиХ

Додик: Кина ни се најде кога ЕУ ни ја затвори вратата

Претседавачот на Претседателството на БиХ Милорад Додик изјави дека Кина се покажала како еден од позначајните партнери на БиХ и дека онлајн самитот со 17 земји од Централна и Источна Европа бил прилика за анализирање на претходно одобрените проекти и разговор за нови инвестиции.

EPA-EFE

„Кина тука се покажа како еден од важните партнери, кој не се колебаше да го реализира она што ќе се договори и тоа ни дава оптимизам дека и во иднина, сите заедно, а особено ние во БиХ и Република Српска, ќе ги анимираме и заинтересираме Кинезите кои ни се многу важни“, кажа Додик за Кинеската медиумска група (КМГ).

Додик, кој беше еден од учесниците на вчерашниот самит на лидерите на Кина и земјите на Централна и Источна Европа, кажа дека „постои долга листа на проекти и во Република Српска и во Федерацијата БиХ и заинтересираност за ангажман и користење на средствата од оваа програма која беше промовирана во 2012 година и која се покажа како одржлива во услови на глобална нерамнотежа“.

„Форматот 17+1 дава шанса, пред сè на нас тука, на брз и ефикасен начин да добиеме дополнителни средства и партнери за да одиме понатаму“, кажа Додик. Наведе дека БиХ е заинтересирана за проекти од областа на енергетиката, но и за патишта и автопати.

Додик кажа дека Кина се покажала како потентен инвеститор, кој нема политички барања и условувања.

„Тоа е најдобриот начин. Ако веќе земате кредити, плаќате камати или промовирате нечии технологии, тоа би требало да биде сосема доволно, а не да доаѓаат со политички и некои други барања. Кина се покажа како една од глобалните сили и еден од најкорисните партнери“, кажа тој.

Додик оцени и дека Договорот за инвестиции меѓу ЕУ и Кина „е добар за ЕУ но и за регионот на кој му припаѓа БиХ“.

„Дополнително се отвора огромниот кинески пазар, не само за потрошувачка туку и за инвестиции во новите технологии со кои Европа располага. Секако дека тој договор ќе им користи на сите па и нам кои сме посредно негови консументи секако ќе ни даде прилика да го видиме потенцијалот“, кажа.

Истакна дека „пандемијата на коронавирусот одеднаш ги сопре, и како со хируршки нож ги пресече контактите“ меѓу земјите, но дека Кина, во таков амбиент, покажала солидарност и транспарентност.

„Морам да кажам дека ние на почетокот на пандемијата одеднаш бевме оставени од нашите европски партнери, кои ги затворија своите капацитети за продажба на опрема – од респиратори до маски. Моравме одеднаш сите да се насочиме на кинескиот пазар. Од Кина ја набавивме цела неопходна опрема, а сега имаме ситуација Кина да е речиси најголемиот и најсигурен произведувач на вакцина против ковид-19 во светот“, кажа Додик.

Легенда под Главна слика

EPA-EFE

Време е да се фокусираме врз суштинските проблеми. Време е да создадеме вистински ’општествен договор‘ за владеење на правото и на човековите права како главни столбови на европските вредности

повеќе

Стратешко партнерство на македонската влада со Зока енерџи солушнс, компанија регистрирана за обработка и отстранување на опасен отпад, не е правилен начин за решавање на проблемот во мала држава како Македонија.

повеќе

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе