Кажа дека Србите „нема да почнат војна за да се отцепат“

Додик: БиХ е пропаднат проект, најдобро е да се разделиме на цивилизиран начин

Милорад Додик, српскиот член на Претседателството на Босна и Херцеговина, изјави во интервју за шпански Ел Мундо дека „БиХ е пропаднат проект“ и дека најдоброто решение за таа држава е Бошњаците, Србите и Хрватите да се „раздвојат на цивилизиран начин“.

EPA-EFE

„БиХ нема да може да опстане поради истата причина поради која не опстана Југославија. Во БиХ постојат три народи. Два од нив, Хрватите и Србите, се многу незадоволни. Муслиманите сакаат да создадат унитарна држава во која тие би биле доминантниот народ“, изјави Додик.

„Нашата политика не е насочена на сецесија. Зборуваме за друга можност, заснована на проценката дека БиХ нема да биде успешна како држава. Ако биде така, најдобро е да се раздвоиме на цивилизиран начин“, додаде тој.

Истакна дека „Србите нема да почнат војна за да се отцепат“, но повтори дека е најдобро да се раздвојат „ако не може да се живее заедно“.

Кажа и дека Србите „го бранат политичкиот процес“ кон постигнувањето на таа цел и дека приказните за можна војна се „бесмислици“.

Наведе дека БиХ постои како држава само поради притисокот на меѓународната заедница.

„Тоа е експеримент на странците“, истакна Додик. „Прво што предлагам е странците да престанат да управуваат со оваа земја, бидејќи таа е единствената колонија која во моментов постои во Европа. Нека нè пуштат да најдеме консензус, ако е можно“.

Додик смета дека европскиот висок претставник Кристијан Шмит нема право да воведува закон во БиХ.

„На изборите пред три години освоив најмногу гласови, многу повеќе од моите двајца колеги од Претседателството заедно. И сега доаѓа тој Германец и вели дека иднината на БиХ нема да се конституира со Додик. Што мисли, кој е тој?“, кажа.

„БиХ е еден пропаднат проект, БиХ се наоѓа пред тешка криза. Не е таа криза сега создадена, таа е отсекогаш тука. БиХ е синоним за криза“, заклучи Додик.

Легенда под Главна слика

EPA-EFE

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе