Директорот на ЦИА на тајна средба со лидерот на талибанците

Директорот на американската разузнавачка агенција ЦИА, Вилијам Барнс, одржа тајна средба во Кабул со Абдул Гани Барадар, соосновачот на талибанците и политички водач на таа исламистичка организација, пренесува Вашингтон пост.

Фото: ЕПА

Состанокот е одржан денес.

Неименуван висок американски дипломат рече дека претседателот Џо Бајден го испратил шефот на своите шпиони на состанок со де факто лидерот на талибанците, бидејќи се соочува со сè поголем притисок како се приближува 31 август, крајниот рок за завршување на евакуацијата од Кабул.

ЦИА одби да го коментира состанокот, наведувајќи ја политиката на агенцијата никогаш да не ги коментира патувањата и средбите на директорот.

Веста за средбата помеѓу директорот на ЦИА и талибанскиот лидер доаѓа во време кога Бајден мора да одлучи дали ќе се обиде или не да го продолжи рокот за конечно повлекување на американските сили од Авганистан. Бајден е под притисок на домашната јавност поради катастрофалниот пад на Авганистан во рацете на талибанците за помалку од две недели, но и на меѓународната со оглед дека со повлекувањето на американската војска од Авганистан на цедило ги остави и своите европски сојузници.

Велика Британија, Шпанија и Германија денеска предупредија дека нема да стасаат до 31 август да ги повлечат сите авганистански помошници и сојузници од Кабул.

Бајден денеска ќе учествува на виртуелен состанок на групата Г7, на кој учествуваат седумте најмоќни западни земји. Велика Британија веќе побара од Бајден да го продолжи рокот за повлекување на американските сили и евакуацијата, но талибанците рекоа дека тој рок го сметаат за „црвена линија“.

Тие, исто така, предупредија на можни последици доколку Америка одлучи да го продолжи рокот.

„Тоа е црвена линија. Американскиот претседател Бајден објави дека сите нивни воени сили ќе се повлечат на 31 август. Значи, ако се продолжи рокот, тоа значи дека окупацијата се продолжува, иако тоа не е потребно", изјави вчера портпаролот на талибанците за Скај њуз.

„Тоа ќе создаде недоверба меѓу нас. Ако имаат намера да ја продолжат окупацијата, тоа ќе предизвика реакција и ќе има последици“, додаде тој.

Легенда под Главна слика

Фото: ЕПА

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе