Деструктивната војна во Јемен денеска влегува во осмата година

Во судирите меѓу бунтовниците Хути поддржана од Иран и коалицијата предводена од Саудиска Арабија, десетици илјади луѓе беа убиени, а 19 милиони не можат да се прехранат.

Фото: ЕПА

Во војната меѓу групата Хути, која ја има поддршката од Иран, и коалицијата предводена од Саудиска Арабија, која денеска влегува во осмата година, загинаа десетици илјади луѓе, а 19 милиони не можат сами да се прехранат.

Според Обединетите нации, околу 22 милиони луѓе имаат потреба од поддршка за пристап до здравствени услуги, на 8,5 милиони деца им е потребна поддршка за образование, а на 16 милиони им е потребна помош за пристап до вода за пиење.

Како резултат на конфликтот, околу четири милиони луѓе се раселени во Јемен.

Економијата на Јемен пропадна и протокот на стоки во земјата зависна од увоз е попречен од ограничувањата наметнати од коалицијата предводена од Саудиска Арабија во областите под контрола на Хутите. На крајот на 2014 година, Хутите ја соборија владата од Сана, која ја поддржува Саудиска Арабија.

Обединетите нации предупредија дека најголемата хуманитарна операција во Јемен ќе биде дополнително намалена, вклучително и помошта за храна и здравствена заштита, бидејќи се собрани помалку од една третина од 4,27 милиони долари побарани за 2022 година.

„Ве молам, не заборавајте го народот на Јемен. Ни треба вашата поддршка како меѓународна заедница, ни треба да бидете активни во мировниот процес“, рече Сами Фахури, шеф на јеменската делегација во Меѓународната федерација на Црвениот крст и Црвената полумесечина, осврнувајќи се на мировните напори предводени од ОН.

Легенда под Главна слика

Фото: ЕПА

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе