Дански институт: Ризикот од хоспитализација е за 64 проценти поголем кај британскиот вид на вирусот

Луѓето заразени со позаразната варијанта на коронавирусот, за прв пат откриена во Велика Британија, имаат поголем ризик од хоспитализација, соопшти во средата данскиот институт Серум, пренесе Ројтерс.

Фото: ЕПА

Од 2.155 лица заразени со варијантата под име Б117 во студијата на институтот, 128 се хоспитализирани, што е стапка од 64 проценти поголема од луѓето заразени со другите варијанти, се вели во студијата.

Резултатот од данската студија е сличен на истражувањето спроведено на почетокот на овој месец во Велика Британија, додаде институтот во соопштението.

Варијантата Б117 стана доминантна во Данска минатата недела и претставува скоро две третини од сите нови инфекции, додека на почетокот на годината британската варијанта претставувала само 5 проценти од сите случаи.

Данска е предводник во секвенционирањето на геномот што се користи за анализа на генетскиот материјал на коронавирусот за утврдување на варијанти.

Легенда под Главна слика

Фото: ЕПА

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе