Лидерот на „Жолтите елеци“

„Данокот за гориво е само трошките, ние го сакаме лебот“

Шестмесечниот мораториум што француската влада го воведе на зголемувањето на данокот на гориво не е тоа што го сакаа „Жолтите елеци“, изјави лидерот на протестот. Луѓето го сакаат „багетот“, а не трошките, и в сабота повторно ќе излезат на улица, рече тој.

„Не сакавме суспензија, сакаме веднаш да биде откажано минатото зголемување на данокот на горива“, изјави за БФМ ТВ Бенџамин Коши, организаторот на движењето „Жолти елеци“.

Со објавувањето на полугодишниот мораториум, владата „го мавта францускиот народ“ во обид да добие време, додаде тој.

„Французите не се врапчиња и не ги сакаат трошките што им ги дава владата. Тие го сакаат багетот.“

Во друго интервју за Ла депеш, Коши беше запрашан дали ќе продолжат насилните протести, во кои беа повредени повеќе од 260 лица и кои предизвикаа неколку смртни случаи во Франција во текот на викендот. „Жолтите елеци сакаат да дејствуваат в сабота“, одговори тој.

Сепак, тој рече дека движењето мора да стане „пацифистичко и ненасилно“, како што беше пред да почнат масовните немири пред три недели.

Групата има потреба од поддршка од францускиот народ, а мирниот собир ќе има поголемо влијание врз владата од немирите, рече водачот на протестот.

Претходно во вторникот францускиот премиер Едуар Филип на телевизија во живо изјави дека планираното зголемување на даноците за бензин и дизел, како и зголемувањето на тарифите за гас и електрична енергија, ќе бидат суспендирани на шест месеци.

Филип истакна дека даночното прашање не треба да го доведе „единството на нацијата во опасност“ и најави дека националната дебата за справувањето со климатските промени без оптоварување на паричниците на граѓаните на Франција ќе почне кон средината на декември.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе