„Двојни стандарди“

Дачиќ: Западот сака руски гас преку Северен тек 2, а нам ни го блокираат Турски тек

Западот врши притисок врз Белград поради развојот на односите со Русија и други земји, изјави министерот за надворешни работи на Србија Ивица Дачиќ за Раша тудеј.

Шефот на српската дипломатија истакна дека официјален Белград веќе се навикнал врз него да вршат притисок од странство, а додаде и дека кон Србија се применуваат двојни стандарди.

„Германија и северноевропските земји можат да го користат гасот кој тече низ Северен тек, а Србите не треба да купуваат руски гас – тој на нив негативно влијае! Односно врз Германците и другите не влијае! Двојни стандарди. А ние со нив постојано се соочуваме“, се пожали српскиот вицепремиер.

Дачиќ кажа и дека Србија веќе почнала да поставува 400 километри гасовод за Турски тек и изрази надеж дека „во Бугарија сѐ ќе биде во ред и нема да има пречки“. Според српскиот министер, рускиот гасовод е главната причина за политичкиот притисок врз Белград, но „никој друг не ѝ нуди гас на Србија“.

Проектот Турски тек подразбира изградба на гасовод кој се состои од два крака, со капацитет од по 15,57 милијарди кубни метри.

Првиот крак е предвиден за испорачување гас до турските потрошувачи, а ќе почне да работи оваа година. Вториот крак треба да ги снабдува земјите од јужна и југоисточна Европа, а неговото поштање во работа е планирано за 2020 година.

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе

Без оглед на политичката заднина на случајот за изнудување, владата во Скопје мора да се фокусира на темелна истрага наместо на ограничување на штетата.

повеќе