Дачиќ: Се создава лажна атмосфера околу постапките на Белград и Приштина

Министерот за надворешни работи на Србија Ивица Дачиќ изјави дека премногу важност му се дава на соопштението на петте големи западни сили за продолжување на дијалогот на Белград и Приштина и дека тие состаноци не се на високо ниво.

Тој истакна дека со тоа соопштение се создава лажна атмосфера.

Дачиќ изјави дека според соопштението излегува дека косовската страна имала право да ги воведе царините бидејќи Србија води кампања за повлекување на признавањата на Косово.

„А што се тогаш царините кон Босна и Херцеговина, и таа ли води кампања против признавањето?“, праша Дачиќ.

Тој наведе дека целта на Србија е бројот на признавања на Косово да падне под половината од членките на Обединетите нации, како и дека со министерот за внатрешни работи Небојша Стефановиќ се спрема за гласањето за членство на Косово во Интерпол во Чиле.

„Ние мораме да се подготвуваме тие да не влезат во тие меѓународни организации“, кажа Дачиќ.

Зборувајќи за реакциите на неговата изјава дека Србија нема поголем непријател од поранешниот американски претседател Бил Клинтон, кажа дека „никој повеќе не се радувал на победата на Доналд рамп на претседателските избори од Србите, бидејќи не ги поднесуваат Клинтон и Олбрајт“.

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе

Без оглед на политичката заднина на случајот за изнудување, владата во Скопје мора да се фокусира на темелна истрага наместо на ограничување на штетата.

повеќе