Шефот на српската дипломатија

Дачиќ: Разграничување е нашата официјална понуда до Приштина

Министерот за надворешни работи на Србија Ивица Дачиќ кажа дека предлогот на Белград во преговорите со Приштина е разграничување. Тој додаде дека има и други идеи околу кои може да се постигне компромис.

Дачиќ на прашањето на новинарите дали официјалната позиција на Белград за решавање на косовското прашање е разговор за разграничување, кажа: „На таков начин да го решиме нашиот проблем, тоа е нашата официјална понуда“.

Истакна и дека евентуалната линија на разграничување сѐ уште не е напишана, ниту утврдена.

Дачиќ кажа дека трајно решение на тоа прашање би било во интерес на Белград и Приштина, на српскиот и албанскиот народ, но и стабилноста и просперитетот во регионот.

„Посветени сме на дијалогот со Приштина кој се води со посредство на ЕУ, како и на спроведувањето на договореното од Бриселскиот договор. Меѓутоа, Приштина продолжува да загрозува сѐ што со помош на ЕУ и другите меѓународни фактори е постигнато на планот на дијалогот и економското поврзување“, кажа шефот на српската дипломатија.

Тој истакна дека за продолжување на дијалогот неопходно е моментално укинување на одлуката на Приштина за воведување царини од 100 отсто на стоката со потекло од Србија и БиХ.

Оваа појава почнува да претставува сериозна закана за учениците, но и грижа за родителите и наставниците.

повеќе

Пробацијата претставува клучна новина во реформата на нашиот пенитенцијарен и казненоправен систем и приоритетна цел на владината политика.

повеќе

Анализа на проф. д-р Гордан Калајџиев на Решението У.бр.96/2016 од Уставниот суд.

повеќе