„Потребен е договор“

Дачиќ: Празни се приказните дека сѐ е готово околу Косово

Министерот за надворешни работи на Србија Ивица Дачиќ денес околу тврдењата дека во Приштина се разгледува демаркација со Србија, кажа дека тоа не може да се прави еднострано, туку дека е потребен договор.

„Нема дилеми дека сакаме постигнување компромисно решение. Дијалогот ќе продолжи во септември“, кажа Дачиќ на прес-конференција.

„Каква демаркација, добро знаете дека постои административна линија која речиси 20 години ја контролира КФОР“, кажа Дачиќ.

Тој додаде дека ако косовските функционети мислат дека компромисно решение е припојување на Прешево, Бујановац и Медвеѓа на Косово, тие воопшто не ја разбираат ситуацијата во која се наоѓаат.

Околу тврдењата дека сѐ е готово и завршено во врска со Косово, Дачиќ кажа дека тоа се „празни приказни“.

„Го сакаме најмалку лошото решение за сите“, кажа шефот на српската дипломатија.

На прашањето на новинарите за евентуален референдум за Косово, Дачиќ кажа: „Далеку отидовте“.

„Се наоѓаме на крајот на ова преговарачко поглавје и во потрага сме по креативно решение, како што би кажала американската администрација“, кажа српскиот министер.

Демонизирањето на Исламот и неговото постојано поврзување со тероризмот е загрижувачка појава во светот, а и на Балканот.

повеќе

Последните искричења во меѓународниот поредок ја прават нејасна агендата за евроатлантски интеграции на регионот која претставува неопходен услов за долгорочна стабилност на Западен Балкан.

повеќе

Очигледно во градењето на македонското општество заборавивме да ја промовираме правдата како негова примарна цел.

повеќе