„Од октомври посериозен дијалог“

Дачиќ: Или проширување на ЕУ или процес на бавно умирање

Министерот за надворешни работи на Србија Ивица Дачиќ оцени дека процесот на проширување е лековит за Европската Унија, бидејќи, според него, или ќе се продолжи процесот на проширување или ќе дојде до процес на бавно умирање на ЕУ.

По повод изјавата на претседателот на Европската комисија Жан Клод Јункер дека до крајот на мандатот на актуелната Европска комисија во 2019 година нема да бидат исплонети условите за влез на некоја од земјите на Западниот Балкан во членството на ЕУ, Дачиќ кажа дека „тоа не е ништо поразлично во однос на претходните изјави“ и дека може да се каже дека Јункер бил нешто побчаг од претходно во однос на проширувањето.

„Проширувањето на ЕУ е лековит процес за опстанокот на Унијата“, кажа Дачиќ за Радио телевизија Србија.

Тој истакна дека во октомври ќе почне посериозен дијалог околу поглавјето 31 – надворешната, безбедносната и одбранбената политика, кога во Србија пристигнува делегација на Европската комисија за надворешни работи, предводена од високата претставничка Федерика Могерини.

Дачиќ додаде дека Србија до влегувањето во ЕУ има рок да ги хармонизира надворешната и одбранбената политика.

Изрази надеж дека до тогаш ќе заврши конфликтот на Русија и САД, бидејќи кога „слоновите се караат, обично тревата страда“.

„Ако до нашето влегување во ЕУ, за кое не знаеме кога ќе биде, не заврши конфликтот со Русија, тогаш ќе имаме голем проблем, па и самата Европска Унија. Затоа кажав дека ние треба да ги гледаме сопствените интереси“, кажа Дачиќ.

Еден проблем кај Трамп е тоа што му е опсесија да изгледа „силен".

повеќе

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе