„Масовно и ужасно“ уништување, над 160 мртви

Циклон уништи речиси цел град во Мозамбик па продолжи во Зимбабве (ФОТО+ВИДЕО)

Циклонот што ги погоди Мозамбик и Зимбабве ги однесе животите на најмалку 162 лица, а голем број се водат за исчезнати. Циклонот Идаи предизвика „масовно и ужасно“ уништување во градот Беира во Мозамбик, објавија властите и Црвениот крст.

Циклонот Идаи во четврток вечер удри во центарот на Мозамбик, пред да продолжи кон соседно Зимбабве, предизвикувајќи поплави и жестоки ветрови, кои корнеа патишта и куќи.

„Степенот на штетата предизвикана од циклонот Идаи што го погоди градот Беира во Мозамбик е огромен и ужасен“, се вели во соопштението на Меѓународната федерација на Црвен крст и Црвена полумесечина (ИФРЦ).

Се вели 90 отсто од градот од околу 530.000 луѓе и околните региони се „оштетени или уништени“.

„Ситуацијата е ужасна. Степенот на уништување е огромен“, АФП ја цитираше изјавата на Џејми Лесур од ИФРЦ.

„Речиси сè е уништено. Комуникациските линии се целосно прекинати и патиштата се уништени. Некои погодени заедници не се достапни“, рече тој.

Голема брана пукна во неделата и го прекина последниот пат кон Беира, рече тој.

Бројот на жртвите во Мозамбик е 73, од кои 55 се во Беира, и 89 во Зимбабве.

Најмалку 150 лица се водат за исчезнати во Зимбабве, за многумина од нив се верува дека се владини работници чиј станбен комплекс бил зафатен од поплави.

Напредокот и оптимизмот што ги обележаа децениите по 2. Светска војна се гледаа во создавањето на средната класа, составена од луѓе што, иако родени во куќи со земјени подови, завршија со факултетски дипломи и добри работни места во големите градови. Поседуваа автомобили и викендички, летуваа на море и патуваа во странство без визи.

повеќе

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе