Човештвото никогаш не било поблиску до планетарна катастрофа

Часовникот на апокалипсата сè поблиску до полноќ поради војната во Украина (ВИДЕО)

Часовникот на апокалипсата кој ја симболизира неминовноста на глобалната катаклизма, е сопрен на 90 секунди до полноќ, што значи дека човештвото никогаш не било толку блиску до планетарна катастрофа, соопшти денес група научници.

Фото: ЕПА

Часовникот на апокалипсата или на судниот ден минатата година беше на 100 секунди до полноќ, а за тој часовник е задолжена група научници кои секоја година ги прилагодуваат стрелките во согласност со случувањата во светот.

Претставниците на Билтенот на нуклеарни научници (БСА) кажаа денес на конференција за новинарите дека го поставиле часовникот на судниот ден толку блиску до полноќ поради војната во Украина.

„Ги поместивме стрелките поблиску до полноќ“, кажаа научниците и додадоа дека одлуката е донесена поради сè поголемата опасност од светска војна.

Во таа група научници се наоѓаат и нобеловци, а еден од основачите е Алберт Ајнштајн.

Часовникот на апокалипсата настанал набрзо по почетокот на Студената војна и редовно од 1947 година го ажурираат научниците на БСА од Универзитетот на Чикаго.

Полноќ претставува уништување на светот.

Научниците ја користат аналогијата на мерење на времето за да предупредат на опасноста од нуклеарни, еколошки и технолошки закани.

Легенда под Главна слика

Фото: ЕПА

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе