Четворица американски војници меѓу 18 убиени во терористички напад во Сирија (ВОЗНЕМИРУВАЧКО ВИДЕО)

Во самоубиствен терористички напад, за кој одговорноста ја презеде Исламска држава (ИСИС), денес во градот Манбиџ на северот на Сирија загинаа 18 луѓе, вклучувајќи американски војници, објавија набљудувачите.

Американската војска потврди дека има жртви меѓу своите војници кои биле во патрола, но не го соопшти точниот број.

Сириската опсерваторија за човекови права јави дека двајца американски војници загинале на лице место, а уште двајца подоцна им подлегнале на повредите во болница.

Загинаа уште девет цивили и петмина припадници на Сириските демократски сили, бунтовничката милиција предводена од Курдите.

Исламска држава ја презеде одговорноста за нападот соопштувајќи дека бомбаш самоубиец нападнал патрола на коалициски војници и нивните сојузници Курдите.

Портпарол на американските сили во Сирија најпрвин објави на Твитер дека американските војници денес вршеле „рутинска патрола“ во областа каде што се случил нападот. Тој додаде дека сѐ уште се собираат информации и дека „подоцна ќе сподели дополнителни детали“. Нешто подоцна потврди дека американски војници се убиени.

ВОЗНЕМИРУВАЧКО ВИДЕО:

Коалицијата предводена од САД има свои воени бази во Манбиџ, градот кој курдските сили го презедоа во 2016 од ИСИС.

Како што јавува Си-ен-ен, во Манбиџ во последно време почнале да се спроведуваат заеднички турско-американски патроли.

Турција, која курдските милиции ги смета за терористи, во декември се закани дека ќе влезе во Манбиџ, но ги прекина операциите откако САД објавија дека ќе ги повлечат своите војници од Сирија.

Со потпишувањето на Преспанскиот договор се чинеше дека се отстрани единствената пречка за македонската интеграција во ЕУ и НАТО.

повеќе

Демонизирањето на Исламот и неговото постојано поврзување со тероризмот е загрижувачка појава во светот, а и на Балканот.

повеќе

Последните искричења во меѓународниот поредок ја прават нејасна агендата за евроатлантски интеграции на регионот која претставува неопходен услов за долгорочна стабилност на Западен Балкан.

повеќе