Бугарските социјалисти сакаат да го урнат Борисов?

Водечката опозициска Бугарска социјалистичка партија бара изгласување недоверба на владата на премиерот Бојко Борисов поради недостигот од напредок во борбата против корупцијата.

Ова се прави со тврдење дека „не е саботажа“ врз државата што тукушто го презеде претседавањето со Европската Унија.

Ројтерс оценува дека овој обид на социјалистите да ја урнат влада сепак најверојатно ќе пропадне и наведува дека владата од десниот центар, на чие чело е партијата на премиерот ГЕРБ, ја поддржува малата популистичка партија Волја и дека доколку ваквиот блок се воздржи од гласањето планирано за недела, иницијативата на БСП ќе пропадне со 41 глас помалку од неопходниот број во парламентот со 240 места.

ГЕРБ заедно со националистичката политичка формација Обединети патриоти, и со Волја, има вкупно 133 пратеници.

„Изгласувањето недоверба не е саботажа, туку одговор на мислењето на 83 отсто од граѓаните на Бугарија кои сметаат дека тоа (корупцијата) е нивен проблем број 1. Борбата против корупцијата е проевропска политика, а не антиевропска. Подобро е да се биде осамен во борбата против корупцијата, отколку да се биде дел од статус квото кој ја брани корупцијата“, изјави лидерката на социјалистите Корнелија Нинова.

Ројтерс потсетува дека Европската комисија во повеќе наврати ја критикуваше Бугарија поради тоа што не ги процесира и не ги казнува со затвор корумпираните функционери.

Брисел не мора да има шпион во Кремљ за да дознае дека Москва ќе стори сè што може за да ја спречи Македонија да се приклучи во НАТО - не поради нејзиното стратегиско значење, туку поради симболичната вредност на потегот, вели политичкиот експерт Иван Крастев за Гардијан.

повеќе

Македонија не е единствената жртва на ваквото здодевно силеџиство на Грција. Грчката влада се расправа и со Албанија и со Турција, вели принцот Мајкл од Лихтенштајн.

повеќе

Нема законски пречки да се снима полициски службеник за време на вршење на должноста, иако полицијата се противи на тоа.

повеќе