Бројот на жртвите на вулканот на Нов Зеланд порасна на 16, првата идентификувана жртва има 21 година

Нуркачите кај вулканот на новозеландскиот Вел Остров не ги нашле телата на двете последни лица исчезнати во ерупцијата во понеделникот, соопшти полицијата, а бројот на жртвите порасна на 16 откако на повредите им подлегна уште едно лице.

Лицето, чиј идентитет не е објавен, умре во болница во Австралија.

Уште дваесетина луѓе поради тешки изгореници се на интензивна нега во болници во Австралија и Нов Зеланд.

Во меѓувреме продолжува операцијата на вулканскиот остров по преостанатите две тела.

Властите веруваат дека телата се во морето. Нуркачите вчера во водите околу вулканот успеале да најдат само едно тело кое било забележано во водата по ерупцијата.

„Истражувачката екипа е разочарана. Целосно разбираме до која мера е тоа тешко за најблиските“, изјави заменикот полициски командир Мајк Клемент по враќањето на екипата од осум полицајци.

Тој додаде дека полицијата и понатаму се надева дека ќе ги најде телата на исчезнатите.

Научниците наведуваат дека во однос на понеделникот активноста на вулканот е ослабена, но дека и понатаму постои опасност од ерупција.

Полицијата го објави и името на првата идентификувана жртва на ерупцијата. Потврдено е телото на дваесет и едногодишната Ив Броуит, Австралијка од Мелбурн која со семејството туристички престојувала на островот.

Нејзиниот татко Пол и сестра Стефани се хоспитализирани и ги лекуваат од тешки изгореници.

Вулканот на Белиот Остров е популарна туристичка дестинација и еден од најактивните вулкани на Нов Зеланд.

Иако тлото знае да се тресе, псоледната смртоносна ерупција се случила во 1914 година, кога загинале 12 рудари.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе