Српската премиерка на генералната конференција на Унеско

Брнабиќ во Париз: За самопрогласената држава Косово нема место во Унеско

Премиерката на Србија Ана Брнабиќ истакна дека клучна тема и политика на таа земја е деполитизација на Унеско што, како што кажа, значи „таканаречената самопрогласена држава Косово“ нема што да бара во таа организација.

EPA-EFE

Брнабиќ, на 41 заседание на Генералната конференција на Унеско во Париза, истакна дека четирите скапоцености на српското средновековно културно наследство – Високи Дечани, Пеќката патријаршија, Грачаница и Богородица Љевишка, се зачувани благодарение на тоа што се впишани на листата на загрозено светско наследство, но истакна дека уште стотици локалитети и споменици се загрозени.

„За жал, примерот на културното, историското и духовното наследство на Србија на Косово и Метохија е доказ колку е важна улогата на Унеско во заштитата и зачувувањето на наследството. Со нивното впишување на листата на загрозено светско наследство се чуваат четирите скапоцености на средновековното културно наследство на Косово и Метохија: манастирите Дечани, Пеќката патријаршија, Грачаница и црквата Богородица Љевишка. Меѓутоа, стотици локалитети и споменици и понатаму се загрозени“, истакна Брнабиќ.

Порача дека српското наследство на Косово е од немерливо значење, не само за националниот идентитет на Србија, туку и како драгоцен дел на европското и светско наследство.

Премиерката на Србија укажа на приврзаноста на таа земја на основните принципи на Унеско – на дијалогот и консензусот, а не на унилатерализмот, втемелени во Повелбата на ОН и Уставот на Унеско.

Брнабиќ, одговарајќи на прашања на новинарите, истакна дека Унеско е организација која се бави со прашања кои немаат врска со политиката, туку со образованието, културата, науката и други прашања.

„Кога велиме деполитизација, стоиме на тоа дека таканаречената држава Косово нема што да бара во Унеско. Унеско не е местото каде има простор да се зборува за тоа дали Косово, кое нема место во ОН, кого не го признале повеќе од половина од земјите, треба да биде член на таа организација“, кажа српската премиерка.

Истакна дека „таканаречено Косово“ нема што да бара во Унеско и дека членството на Косово не е тема и не смее да биде тема.

Легенда под Главна слика

EPA-EFE

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе