Српската премиерка

Брнабиќ му одговори на Билт: „Лажна вест“ е тоа дека не ја цениме помошта од ЕУ, но пратката дојде од Кина

Откако поранешниот шведски премиер Карл Билт ја обвини Србија дека прави спектакл од помошта што ја добива од Кина за коронавирусот но ја игнорира „далеку посуштинската“ помош од Европската Унија, српската премиерка Ана Брнабиќ одговори во обид да ги разјасни нештата.

„Кога Кина испрати авион со помош за Србија претседателот (Александар) Вучиќ направи спектакл од тоа“, напиша Билт на Твитер во петокот. „Но кога ќе дојде далеку посуштинската помош од ЕУ нема ни фанфари ниту претседателот“.

Билт ја пренесе пораката на Сем Фабрици, амбасадорот на ЕУ во Србија, кој постираше фотографии од товарен авион со помош на белградскиот аеродром во четвртокот вечерта. На една од фотографиите јасно се гледа Брнабиќ со маска на лицето, како го дочекува авионот.

„Да претпоставиме дека ширењето лажни вести за да се испрати силна политичка порака е поради недостигот од информации а не со лоша намера“, му одговори српската премиерка на Билт. „Авионот пренесуваше и помош од Кина и медицинска опрема купена од Србија. Нашите ЕУ партнери платија за транспортот и ние исклучително го цениме!“

Како што напиша и Фабрици во постот што го пренесе Билт, ЕУ платила за транспорот но не и за самиот товар. Иако Брисел одредеи 93 милиони евра за помош на Србија во борбата со коронавирусот, тешко може да се процени дека плаќањето на товарниот авион е „далеку посуштинска“ помош од медицинските материјали и екипи кои Пекинг досега му ги прати на Белград.

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе

Јас, Ангела Илиевска , учесник во повеќе протестни движења низ годините наназад, со себе го носам товарот на мојата личност и идеалите кои ги застапувам низ сите тие движења.

повеќе