Брнабиќ: Можен е договор на Србите и Албанците

Шефицата на српската влада Ана Брнабиќ верува дека е можен историски договор на Србите и Албанците.

EPA-EFE

Таа истакна дека за тоа се потребни храбри лидери со визија, како српскиот претседател Александар Вучиќ, а дека таа како премиерка не би ја потпишала независноста на Косово.

Брнабиќ потврди дека постојат разни притисоци врз Србија и оцени дека на Вучиќ не може да му се даваат ултиматуми и да му се сервираат решенија.

„Тој и Српската народна партија (СНС) се грижат за Србија, а не за победа на изборите. Победата на изборите ја гледаме како начин да се бориме за Србија, а не како цел сама за себе“, кажа Брнабиќ.

На директното прашање дали би потпишала признавање на независноста на Косово, таа кратко одговори: „Не“.

Како што објасни Брнабиќ, во оваа фаза ни ЕУ ни САД не кажале дека нема членство во Европската Унија без признавање на Косово, туку дека нема членство без долгорочно решение за косовското прашање.

Истакна дека Србија се залага да се реши замрзнатиот конфликт, дека интересот на Србија е мир и стабилност, како и придружување во ЕУ.

„Наоѓањето компромис кој би обезбедил одржливи мир и стабилност и нашиот европски пат се интересот на Србија, бидејќи ќе ни обезбедат и понатаму економски да јакнеме“, кажа српската премиерка.

Оцени дека во Приштина нема лидери со визија и храброст.

„Можно е поради тоа да ја пропуштиме историската шанса која долго нема повторно да ни се укаже. Јас се надевам дека сепак нема да ја пропуштиме“, кажа Брнабиќ.

Легенда под Главна слика

EPA-EFE

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе