Британскиот министер за внатрешни потпишал наредба за екстрадиција на Асанж во САД

Британскиот министер за внатрешни работи рече дека конечната одлука за основачот на Викиликс „сега е кај судовите“.

Британскиот министер за внатрешни работи откри дека го потпишал барањето за екстрадиција на коосновачот на Викиликс, Џулијан Асанж, во САД, каде што е обвинет за прекршување на законот за шпионажа.

Говорејќи на денешната програма на Би-би-си Радио 4, Саџид Џавид рече дека тој во средата ги потпишал и ги потврдил документите, а наредбата в петок ќе оди пред судовите во Велика Британија.

„Тој е праведно зад решетки. Има барање за екстрадиција од САД, кое утре оди пред судовите, но јас вчера го потпишав налогот за екстрадиција и го заверив и тоа ќе оди пред судовите утре“, рече Џавид.

Одлуката на Џавид му ја отвора можноста на судот да го испрати основачот на Викиликс во Америка.

Џавид рече: „На крај тоа ќе биде одлука на судовите, но министерот за внатрешни работи има голем удел во неа, а јас во секое време сакам правдата да биде остварена и ние имаме легитимно барање за екстрадиција, па затоа го потпишав, но конечната одлука сега е кај судовите“.

Американското Министерство за правда поднесе 17 нови обвиненија против австралискиот новинар. Во мај, тој беше дополнително обвинет по една точка за заговор со Челзи Менинг, поранешен разузнавачки аналитичар и информатор, за да добие пристап до мрежата на Пентагон.

Нема пазар доколку нема информации. Дајте ги информациите за пазарот на грозје.

повеќе

Овој термин, без исклучок го употребуваат сите партии кога се во опозиција. СДСМ, ВМРО-ДПМНЕ, Алијанса за Албанците, ДПА...

повеќе