„Бунт против истребување“

Британски демонстранти ги блокираа главните патишта, се залепија за воз (ФОТО+ВИДЕО)

Демонстрантите за климатските промени се залепија за воз и ги блокираа главните лондонски раскрсници на третиот ден од кампањата за граѓанска непослушност.

Тројца демонстранти се уапсени денес откако ги прекинаа услугите на Доклендската лесна железница на станицата Канари Ворф.

Полицијата од понеделникот уапси повеќе од 300 луѓе за време на протестите на групата Бунт против истребување.

Демонстрантите продолжуваат да ги блокираат локациите, вклучувајќи го и мостот Ватерло над реката Темза и раскрсниците кај Оксфордскиот циркус и Мраморната арка. Многу автобуски линии се нарушени на фрустрација на патниците.

Адвокатката Фархана Јамин, една од уапсените, им се извини на корисниците на јавниот превоз. Но, за радио Би-би-си изјави дека „треба да преземеме акции кои се нарушувачки за сите да ги разберат опасностите со кои се соочуваме токму сега“.

Инаку, активистите од Бунтот против истребување најавија дека ќе се залепат за возови за да ги спречат да работат „со цел да го привлечат вниманието на штетата која човештвото ја направи на животот на земјата“.

„Станува збор за живот и смрт, без разлика дали живеете во Тајпеј, Мелбурн, Мумбаи“, се вели во соопштението на групата.

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе

Охрид, најголемиот и најпосетен туристички центар во Македонија, балканскиот Ерусалим и европскиот бисер, се менува со брзина на светлината.

повеќе