Британски аналитичар: Макрон премногу време поминал со Колинда Грабар Китаровиќ

Политичкиот аналитичар на британски Економист Тим Џуда вели дека не би бил изненаден дека изјавата за БиХ како „темпирана бомба“ да доаѓа од претседателката на Хрватска, а не од францускиот претседател Емануел Макрон.

Џуда во изјава за регионалната телевизија Н1 кажа дека многу поголем проблем се терористите кои се враќаат во Франција, каде што се случуваа терористички напади во изминатите години.

„Не би бил изненаден овие изјави да доаѓаат од претседателката на Хрватска, бидејќи таа зборуваше вакви работи и претходно, но се прашувам дали претседателот Макрон минал премногу време со хрватската претседателка. Ваквите забелешки се необјасниви, затоа што се едноставно погрешни“, изјави тој.

Според него, Макрон би бил целосно во право доколку кажел дека Босна е проблем затоа што е дисфункционална држава и дека затоа мора да направи повеќе за да стане функционална.

„Но да се зборува за џихадистите кои се враќаат во Босна, што не е ништо поголем проблем за Босна отколку за која било друга европска држава, ја прави работата многу необична“, кажа Џуда.

Тој истакна и дека Макрон кажа дека проблемот е повеќе во Европската Унија, која мора да спроведе одредени реформи за да биде повеќе политички проект отколку едноставно да служи како пазар.

„Тој вели дека ЕУ е дисфункционална со 28, односно 27 држави, но дека ќе биде уште подисфункционална кога ќе има 32 држави“, кажа Џуда.

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе