Иследниците се сигурни

Британската полиција идентификуваше неколку Руси осомничени за случајот Скрипаљ

Британската полиција ги идентификуваше како Руси лицата осомничени за труење на поранешниот руски агент Сергеј Скрипаљ и неговата ќерка Јулија со нервен агенс Новичок, јави агенцијата Прес Асосиејшн (ПА).

Иследниците веруваат дека ги идентификувале осомничените за нападот со Новичок преку камерите за надзор, чии слики ги споредиле со податоците од граничните и царинските служби за лицата кои тогаш влегле во Британија, соопшти извор близок до истрагата.

Изворот додал дека иследниците се сигурни дека овие лица се Руси.

Рускиот двоен агент Сергеј Скрипаљ и неговата ќерка Јулија во март во Солзбери биле отруени со Новичок.

Таткото и ќерката, кои биле пронајдени во бессознание во парк, подоцна закрепнаа.

Лондон за труењето на Скрипаљ ја обвини Русија, а Москва демантира било каква вмешаност.

Труењето предизвика сериозна дипломатска криза меѓу Москва и Запад, како и бран на меѓусебно протерување на дипломати.

По труењето на Скрипаљ, на 30 јуни, исто така со новичок, е отруен британски пар во населбата Ејмсбери недалеку од Солсбери. Тие биле отруени со новичок содржан во мало шише, а иследниците се обидуваат да утврдат дали отровот е од истата испорака со која се отруени таткото и ќерката Скрипаљ.

Од двајцата отруени, Доун Старџес почина, а нејзиниот партнер, Чарли Роули сѐ уште е во болница и е надвор од критична состојба.

Што е потребно младите велешки занаетчии да не станат самоубиствени гемиџии, туку да ги тераат своите замисли напред.

повеќе

Брзата храна и газираните пијалоци се водечки причинители на прекумерна телесна тежина, која пак значително го намалува нашиот животен век и квалитет на живот.

повеќе

Процесот на проверка не треба да почне од правосудниот систем, туку од извршните претставници и членовите на парламентот, и тоа не само оние кои се на власт денес, туку и оние кои со години ја водеа земјата.

повеќе