Ковид-19

Британија го намали периодот на самоизолација од 14 на 10 дена

Главните медицински експерти велат дека луѓето се најзаразни во првите два дена пред да развијат симптоми и дека до 10-тиот ден, само 1% до 2% сѐ уште можат да го пренесат вирусот на други, вели Гардијан.

Фото: ЕПА

Периодот на самоизолација за луѓето што биле во контакт со некој што има коронавирус се намалува од 14 на 10 дена низ цела Велика Британија, објави владата, а од почетокот на следната година може целосно да биде укинат.

Во заедничката изјава на главните медицински експерти на Англија, Шкотска, Велс и Северна Ирска се вели дека на 10 дена се намалува и периодот во кој луѓето треба да седат во карантин по враќањето од прекуокеанските земји што не се наоѓаат на списокот на безбедни држави.

Периодот од 10 дена веќе важи за луѓето што имаат симптоми што укажуваат на ковид-19 или имаат позитивен тест.

Промената на правилата за самоизолација веќе стапи во сила во Велс, а од понеделник тоа ќе се случи и во другите нации во Велика Британија, со ретроспективна примена дури и за оние што веќе се самоизолирани.

Во заедничката изјава главните медицински експерти велат дека откако ги разгледале доказите, тие биле „уверени“ дека треба да се намали временскиот период и додаваат: „Апелираме до сите да се самоизолираат кога има потреба - тоа ќе спаси животи“.

Главните медицински експерти велат дека луѓето се најзаразни во првите два дена пред да развијат симптоми и дека до 10-тиот ден, само 1% до 2% сѐ уште се способни да им го пренесат вирусот на други.

Заменик-главниот медицински експерт во Англија, д-р Џени Харис, рече дека доказите се тоа дека „крајот на заразноста, ако сакате, е тогаш кога едно лице има најмала веројатност да ја пренесе инфекцијата“.

Таа додаде: „Значи, дозволувањето некому да излезе од самоизолација малку порано од тоа е разумна рамнотежа помеѓу справувањето со ризикот за јавноста, но и овозможување да не им навлегуваме во животот.“

Во исто време, владата почна со пилот-шеми за укинување на периодот на самоизолација во следната година. Во испитувањето, со седиште во Ливерпул, одреден период секој ден ќе се тестираат контактите на потврдени заразени со коронавирусот и ќе се бара да се изолираат само ако се позитивни.

Проблемот со периодот од 14 дена беше слабото почитување на изолацијата, честопати затоа што луѓето не можат да си дозволат да не одат на работа толку долг период, особено ако немаат право на боледување. Според документите од владината Научна советодавна група за итни случаи објавени во септември, помалку од 20% од луѓето во Англија целосно се самоизолираат кога тоа ќе биде побарано од нив.

Посиромашните луѓе имаат помала веројатност да се самоизолираат затоа што не можат да си дозволат да ја пропуштат работата, велат научниците.

Легенда под Главна слика

Фото: ЕПА

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе